СЕГА работи на развој и имплементација на младински политики на локално и национално ниво, ги поврзува и зајакнува младинските организации кои имаат за цел да ги активираат младите и да ги подобрат условите за нивен личен и професионален развој

Главна цел на Волонтерски Центар Скопје е да им даде неформални образовни можности на младите луѓе, во различни области, како на локално така и на меѓународно ниво. Тие се стремат да придонесат за мултикултурно граѓанско општество, да ги зајакнат постоечките демократски структури, да ги поддржат младите во развојот на нивните индивидуални способности и вештини и да поттикнат поблиска соработка меѓу младите

Локомотива има за цел да го прошири пристапот на граѓаните до уметничките и културните активности, практики и процеси и да влијае на развојот и поддршката на современата, динамична уметност и култура како поттик за развој на демократско општество.

Мрежата за рурален развој создава центар за взаемно учење и соработка кој придонесува кон одржлив развој на руралните области преку мобилизација на локалните ресурси и знаење. Центарот нуди простор за поврзување на земјоделството со природата, наследството со иновацијата, храната со здравјето и граѓанското општество со политиката.

Институтот за европска политик има мисијад а обезбеди здрава основа за дебата и решенија, насочени кон носителите на одлуки и пошироката јавност, преку висококвалитетни истражувања и предлози за европската политика.

АРНО развива и поддржува социјална иновација преку дизајнирање на нови опции и различни социјални иницијативи, кои ги развиваат активни, независни граѓани кои дејствуваат заедно и придонесуваат кон развој на заедницата и позитивните општествени промени.

Ценатрот за одржлив развоја на заедницата има мисија да го подобри квалитетот на животот во регионот преку здружување на граѓаните, здруженијата, бизнисот и локална самоуправа за промовирање на одржлива животна средина, добро управување и младинската акција преку дијалог и локална активност.

Better women better world е првата интерактивна македонска дигитална платформа која целосно и на различни начини го подобрува животот на жените на сите полиња. Оваа платформа е основа на стручни совети и препораки, дискусии, работилници и настани.

HORIZON CIVITAS има мисија да го ​​зајакне граѓанскиот ангажман, да го зајакне нивото на демократија во општеството и да помогне во целосно спроведување на слободите и човековите права.

Фондацијата посветено работи на создавање култура на континуирано и проактивно учество на граѓаните во политичките и општествените процеси преку постојана едукација и еманципација, како и преку јавно застапување. Организацијата се стреми да придонесе кон развиено и слободно демократско општество засновано на владеење на правото и почитување на човековите права, општество на просветени и проактивни граѓани кои живеат во благосостојба и негуваат достоинство, еднаквост, солидарност и правичност.

Билкилајф е центар за одржлив развој, преку хербализам и искористување на неговиот потенцијал за туристички и економски цели, социјално претприемништво циркуларна економија и инклузивност. Нивните активности се насочени кон рурален развој преку хербалниот туризам, со нови иновативни форми, создавање туристичка понуда за сите граѓани, кои ќе можат да ги користат придобивките од лековитите билки и шумски плодови, вклучувајќи ги и лицата со попреченост, преку рекреативна тура за лица со попреченост со лековити билки, прва од ваков вид на нашите простори, со подвижни хербални градини.

НСРР е национална мултиетничка, мултигенерациска, креативна мрежа ,ориентирана кон иднината - организација со членство посветена на постигнување родова рамноправност, развој, заштита на женските/човекови права и мир. Национален совет за родова рамноправност е основана во октомври 1994 година и прерасна во една од најголемите женски мрежи во Република Северна Македонија

Здружението за едукација и мобилиност ЛОЕСЈЕ Битола е активен центар  на национално и меѓународно ниво. Работат во делот на човековите права и дискриминација, инклузија и меѓуетничка толеранција преку работилници кои го користат познатиот метод на Лоесје креативно пишување. Слободата на говор како и средство за активизам се постерите со креативни мисли кои ги креираат на многу јазици и ги распространуваат ширум светот.  

Еду актив плус е граѓанска организација која се залага за креирање на јавно мислење и политики во образованието и социјалната инклузија. Нивната цел е да го подобрат квалитетот на животот и пристапот до правата на сите деца во училиштето каде што работат, со посебен акцент на децата Роми, децата со посебни потреби и социјално загрозените деца. Нивната мисија е развој и имплементација на проекти во различни области, вклучувајќи ги сите граѓани без оглед на пол, возраст, религија, националност и попреченост.

InSoC е формирано во март 2009 година на Институтот за активисти на неколку невладини организации кои работат на прашања поврзани со Ромите од Република Северна Македонија. Членството во InSoC е на доброволна основа и членовите се добро познати како активисти на граѓанското општество и искусни на локално ниво. Станува збор за активисти кои имаат многу години зад себе искуство и други видови активности поврзани со развојот на ромската заедница.

ЦЕТ е доброволно, непрофитно и невладино здружение на граѓани чија визија е остварување на поширок општствен интерес, делување и остварување на цели во областите на граѓанското општество, демократскиот поредок и институции, граѓанските вредности, човековите права, медиумите, неформалното образование и ранливите категории на граѓани во општеството. Преку својата работа, се обидува да го стимулира личниот, професионален и општествен развој на младите, како и да поттикне нивно активно и одговорно учество во општествените, културни, политички, образовни и економски процеси.

Здружението на граѓани Љубезност дава помош и поддршка на бездомници и социјално загрозени семејства и поединци преку реализирање на активности за социјална, правна, психолошка и медицинска поддршка, како што се вадење на лична документација, посредување за вработување, поддршка во остварување на социјални трансфери, сместување на бездомници, планирање на лични финансии, психолошка и медицинска помош, плаќање на сметки за струја и вода, мали поправки и санации во домовите, донација на храна, хигиена и лекарства

Гласот од тишината е доброволно, непрофитно, невладино, непартиско здружение на граѓани, формирано со слободно здружување на граѓаните заради остварување, заштита и усогласување на своите интереси и уверувања за унапредување на граѓанското општество и локалните заедници, како и подигнувањето на јавната свест за лицата со попреченост, разработување на форми и методи за личен развој, едукација и психолошка помош и поддршка. Визија на здружението е создавање на препознатлив и достапен центар кој ќе пружа психолошка помош, психотерапија и едукација.

Организацијата Bright Sky има за цел да ги заштити човековите права, градењето мир, квалитетното образование и екологијата.

Организација ЖЕНА Делчево ги гради капацитетите на жените, младите и маргинализираните и ранливи групи преку едукација, информирање и граѓански акции во сите области на општественото живеење за градење на еднакви можности на локално и регионално ниво.

ЦИКП е невладина организација основана во 2004 година која се фокусира на анализа и на подобрување на законите со цел да се вклучат граѓаните во процесот на креирање политики.ЦИКП има реализирано над 200 истражувачки проекти, а од 2011 година го префрли својот фокус и станува водечки тинк-тенк во Западен Балкан. Организацијата има работено со бројни партнери и клиенти, вклучувајќи ги ЕУ, Светската банка, УНДП и ОБСЕ, и има произведено на меѓународно признати политички студии и извештаи. Истражувачките активности на организацијата се фокусирани на различни теми, вклучувајќи миграции, родово одговорно буџетирање, економија, управување и социјална вклученост.

Здружението Дренка поттикнува иницијативи за одржлив локален и рурален развој и учествува во градењето на јавното мислење и креирањето политики во областа на доброто владеење и развојот на интегриран и мултисекторски стратешки пристап, преку зајакнување на локалната конкурентност и иновативност и промовирање на одржливи практики.