На 28-ми февруари 2025 година се одржа онлајн тренинг за дигитални алатки, фокусирајќи се на ChatGPT и Canva, организиран за членките на мрежата. Тренингот, кој траеше два часа и се реализираше преку платформата Zoom, го водеше Симона Славкова од АЛДА за Балканот.

На тренингот беа пријавени 24 учесници, од кои 20 активно учествуваа во дискусиите и практичните вежби. Обуката беше поделена во два дела – теоретски и практичен. Во првиот дел, преку квиз и интерактивна презентација, учесниците се запознаа со клучните функционалности на ChatGPT и Canva. Вториот дел беше целосно практичен – учесниците работеа во групи и креираа кампањи користејќи ги алатките во реални сценарија.