
Климатски предизвици во Малешевијата: Прва работилница за одржливи решенија
Во соработка со Climate Awareness Association - CAA од Косово, а со поддршка на француската AIDA, Рурална Коалиција ја организираше првата работилница во Општина Берово каде што на едно место ги собра претставниците на сите локални чинители од Малешевијата
Преку соработката со косовската организација – Climate Awatness Association го направивме првото скенирање во Беровскиот регион во однос на влијанието на климатските промени врз земјоделското производство, користењето на водата, употребата на почвата, шумарството, биодиверзитетот. Во текот на работилницата се отвори дискусија и за позитивните и негативните страни од развојот на туризмот во регионот и неговото влијание врз климатските промени и заштитата на животната средина.
Вакви работилници за скенирање на реалната состојба и влијанието на климатските промени врз природните ресурси беа направени во области во Косово и во Албанија, а во насока на утврдување на предусловите за создавање на првите агро-еколошки територии на Балканот. Со ваквите активности Рурална Коалиција го унапредува своето делување на регионално ниво. На крајот од работилницата беа мапирани главните предизвици на регионот, а во наредниот период ќе се работи на осмислување на активности и локални интервенции кои што ќе го намалат негативното влијание на климатските промени
Автор: Рурална Коалиција