Координаторите споделија искуства и добри практики од своите земји, со што се отвори простор за размена на идеи и унапредување на работата на мрежите. Посебен фокус беше ставен на подобрување на видливоста на мрежите, вклучување на нови организации и зајакнување на соработката меѓу земјите-членки.

Овој состанок претставуваше можност за поврзување и зајакнување на соработката помеѓу координаторите, како и дефинирање на идни насоки за развој на националните мрежи. Присуството на координатори од различни земји покажа дека заедничките напори и иницијативи се клучни за постигнување на целите на Ана Линд Фондација и за градење на силна и активна мрежа која ќе промовира меѓукултурна соработка и разбирање.