Одржан состанок на Управниот одбор на македонската мрежа на Ана Линд Фондација
Во просториите на АЛДА за Балканот во Скопје, на 16 декември 2024 година, се одржа состанокот на Управниот одбор на мрежата. Главната цел на состанокот беше да се разгледаат постигнатите успеси во изминатите месеци, да се утврдат приоритетите за наредната година и да се идентификуваат нови можности и активности кои ќе ја зајакнат мрежата.
Состанокот овозможи конструктивен дијалог и постави темели за понатамошно проширување на мрежата преку ангажирање на нови чинители и партнери.
Клучни точки кои произлегоа од состанокот вклучуваат препораки за идните активности, предлози за подобрување на внатрешните процедури и планови за реализирање на настани кои ќе ја промовираат мрежата во 2025 година.
На состанокот присуствуваа седум активни членови на управниот одбор на мрежата, кои со своите идеи и предлози придонесоа кон успешната реализација на дискусиите. Со цел да се обезбеди инклузивност, беше применета методологија која вклучуваше претходни консултации и механизми за собирање повратни информации.
Со овој состанок, се потврди посветеност на членовите на управниот одбор кон јакнење на мрежата, поттикнување на транспарентни процеси и создавање нови можности за соработка. Како следен чекор, ќе се развие детален план на активности со посебен акцент на идните иницијативи и проширување на мрежата.
Автор: Симона Славкова (АЛДА за Блаканот)