Тренинг за културни и креативни професионалци во Лимасол, Кипар
Во периодот од октомври до ноември 2024 година, во организација на Organisation for European Programmes & Cultural Relations (OENTTE), во соработка со Anna Lindh Foundation Cyprus Network, Anna Lindh Foundation и Materahub, се реализираше обемна програма наменета за културни и креативни професионалци од Евро-Медитеранскиот регион.
Тренинг програмата започна со онлајн сесии, каде што учесниците работеа на практични вежби преку платформата MetaHub, насочени кон развој на нивните проектни идеи. Платформата овозможи и дополнителни алатки за подобрување на вештините и зајакнување на капацитетите на учесниците во рамките на културниот и креативниот сектор.
По завршувањето на онлајн делот, учесниците кои ги исполнија обврските беа поканети на четиридневен тренинг во Лимасол, Кипар, каде што учествуваа 40 културни и креативни професионалци од земјите на Евро-Медитеранскиот регион, меѓу кои и претставници од Грција, Египет, Либан, Јордан, Италија, Латвија, Германија, Холандија, Северна Македонија, Шпанија и Чешка.
На настанот како претставник од АЛДА за Балканот и координатор на македонската мрежа на Ана Линд Фондација учествуваше Симона Славкова, придонесувајќи со своето искуство и експертиза.
Главните цели на тренингот беа:
Претворање на идеите во потенцијални бизнис проекти и иницијативи
Подобрување на дигиталните и трансверзалните вештини
Развој на претприемачки начин на размислување во рамките на културниот и креативниот сектор
Обуките беа водени од Паоло Монтемуро и Анџела Дибенедето, претставници на Materahub, кои преку практични и интерактивни сесии им помогнаа на учесниците да ги развијат своите идеи и проекти.
Овој тренинг, покрај тоа што ги зајакна индивидуалните вештини на учесниците, создаде и простор за регионална соработка, размена на искуства и вмрежување, со цел понатамошно развивање на иновативни и одржливи проекти во културниот и креативниот сектор.
Автор: Симона Славкова (АЛДА за Блаканот)
